Кесте - Бір тұрғынға келетін ластаушы заттардың көлемінің мәндері

9.1.6 Орталықтандырылған су бұру жүйесіне қосылған қайта салынып жатқан өндірістік тоспа сулардың құрамы туралы деректер болмаған жағдайда олардың концентрациясын (орташа тәуліктік сынамада) «Елді мекендердегі су бұру жүйелеріндегі тоспа суларды қабылдау ережесі» сәйкес және жергілікті тазалау шараларын ескеріп қабылдау қажет.

9.1.7 Өндірістік тоспа суларды тазалауға және олардың шөгінділерін өңдеуге арналған құрылыстарды осы нормативтің, тиісті өнеркәсіп салаларының кәсіпорындарын, ғимараттары мен құрылыстарын құрылыстық жобалау нормаларының, ғылыми-зерттеу институттарының деректері және қолданыстағы құрылыстарды пайдалану тәжірибесінің негізінде есептеу қажет. Тоспа суларды тазалау және олардың шөгінділерін өңдеу құрылыстары кемінде 85% қамсыздандырылумен есептелген көрсеткіштерді қамтамасыз етуі тиіс.

9.1.8 Тоспа сулардағы ластаушы заттардың құрамы мен концентрациясында бастапқыдағы суқұбыры суындағы ластаушы заттардың, сондай-ақ тоспа сулардың шөгінділерін өңдейтін құрылыстардан, терең тазалау, дренаждау құрылыстары жуылған сулардан және т.с.с. шығатын ластаушы заттардың мөлшерін ескеру қажет.

9.1.9 Тазалау станцияларына келіп түсетін тоспа сулардың (м³/тәулік) есептелген шығымын сорғылармен әперілген кезде де, өзі ағып келгенде де ағындының жиынтықталған кестесі бойынша анықтау қажет.

9.1.10 Жекелеген құрылыстардан шығатын есептелген шығымды технологиялық ерекшеліктер (келетін уақыты, гидравликалық режим) мен осы нормативтің нұсқауларын ескеріп, анықтау қажет.

9.1.11 Тоспа сулардың биологиялық тазалануын «Зиянды заттардың су объектілеріне, сүзгілеу алаңдарына және ортаның бедеріне тоспа сулармен тасталу нормативтерін әдістемесі» сәйкес ОБТ_тол (тұрмыстық тоспа сулар үшін ОБТ_тол шамасын ОБТ₂₀ тең деп алу қажет) мәніндегі органикалық ластану сомасына есептеу қажет.

9.1.12 Өндірістік және тұрмыстық тоспа сулар бірге биологиялық тазаланған жағдайда оларды бөлек те, бірге де физика-химиялық тазалауға болады. Жарылу қаупі бар өндірістік тоспа сулар үшін, сонымен қатар өндірістік тоспа сулардың химиялық және физика-химиялық тазалау қажет болған жағдайда және өндірістік және тұрмыстық тоспа сулардың шөгінділері әртүрлі әдістермен өңделген кезде бөлек физика-химиялық тазалау керек.

9.1.13 Құрылыстардың құрамын тазалануға түсетін тоспа сулардың сипаттамасына және мөлшеріне, талап етілетін тазалану дәрежесіне, шөгінділердің өңделу әдісіне және жергілікті шарттарға байланысты таңдау қажет.

9.1.14 Тоспа суларды тазалайтын тазалау құрылыстарының алаңын тұрғын үйлерге қатысты жылдың жылы мезгілінде басым желдер үшін желдетілетін жақтан және су ағыны бойынша елді мекеннен төмен орналастыру қажет.

9.1.15 Алаңдағы құрылыстардың жинақталуы:

- құрылыстардың перспективалы кеңейтілуінің және кезек бойынша құрылыс жүргізу мүмкіндігі ескеріліп, аумақтың ұтымды пайдаланылуын;

- әртүрлі арнаудағы құрылыстар мен ғимараттардың оқшаулануын және алаң ішіндегі коммуникациялардың ең аз ұзақтығын;

- арынның барлық жоғалуының ескерілуімен және төңіректегі жер көлбеуінің пайдаланылуымен тоспа сулардың негізгі ағынының құрылыстары арқылы өзі ағып өтуін қамтамасыз ету қажет.

9.1.16 Қосалқы және зертханалық жайлардың құрамы мен алаңын 9.2-кесте бойынша қабылдау қажет.

9.1.17 Тазалау құрылыстарының құрамында:

- тоспа сулар мен шөгіндіні құрылыстың жекелеген элементтері арасында біркелкі тарататын, сондай-ақ құрылыстарды, каналдар мен құбырларды кешеннің жұмыс режимін бұзбай жөндеу жұмыстарын жүргізу үшін өшіретін, құрылыстар мен босататын және жуатын құрылғыларды, коммуникацияларды;

- тоспа сулар мен шөгіндінің шығымын өлшейтін құрылғыларды;

- екіншіліктегі энергия ресурстарының (газ-метан; сығылған ауа мен тоспа сулардың жылуы) тазалу станцияларының қажеттілігіне барынша пайдаланылуын;

- келіп түсетін және тазартылған тоспа сулардың сапасы үзілмеу үшін жабдықтарды, я болмаса келіп түсетін және тазартылған тоспа сулардың сапасын бақылайтын зертханалық жабдықтарды;

- техника-экономикалық негіздеудің ескерілуімен жұмыстың оңтайлы автоматтандырылу дәрежесін, білікті қызметкерлердің болуын және т.б. қарастыру қажет.

9.1.18Бұдан басқа, тазалау құрылыстарының құрамында техникалық тапсырмаға сәйкес тоспа сулардың тазалану тиімділігін арттыруы мүмкін жаңа құрылғыларды тексеру үшін тәжірибелік бөлімшелерді, секцияларды және т.б. қарастыруға жол беріледі. Егер тиімділік расталмаса, бұл құрылғылар осы нормаларға сәйкес қабылданған құрылыс жұмысының нашарлауысыз демонтаждалады. Мұндай құрылғыларды (саймандарды) монтаждауға және демонтаждауға жұмсалатын шығындар орнатылған құрылыстың құнынан 1% аспауы тиіс. Жаңа құрылыстардың, технологиялардың тиімділігін тексеру үшін тәжірибелік жобаларды әзірлеу нормалары қолданылады.

Кесте - Тазалау құрылыстарының жұмыс өнімділігіне байланысты сорғы станцияларындағы қосалқы және зертханалық жайлардың құрамы мен алаңы

9.1.19Су бұруды ұйымдастыру зертханаларын «Химиялық зертханалардағы өнеркәсіптік қауіпсіздіктің жалпысалалық талаптары» ескеріп жобалау қажет.

Тоспа суларды тазалау станцияларын жобалаған уақытта тұнбаларды сусыздандырудың технологиялық процесстерінде түзілетін тоспа сулар мен ластаушы заттардың қосымша көлемінің өңделуін ескеру, сонымен қатар атмосфераның, топырақтың, беткі және жер асты суларының ластануына шөгіндіні сусыздандыруға арналған құрылыстармен жол бермеу шараларын қарастыру қажет.

9.1.20 Тоспа суларды тазалау станцияларының каналдары мен құрылыстардың лотоктарын арынның жоғалуының ескерілуімен 1,4 коэффициентімен (жұмысын сәйкестендіру мүмкіншілігінің ескерілуімен) ең көп секундтық шығымды өткізуге тексеру қажет.