Жұлдыздар клубы» бағдарламасына қатысушыларға арналған артықшылықтар

«Жұлдыздар клубы» бағдарламасының күміс қатысушысы (отельде жалпы алғанда 25 күннен аса тұрған кезде):

· Reception-ның арнайы бағанында кіруді тіркеу және шығуды рәсімдеу.

· Тегін монша халаты.

· Бір бөтелке минералды су.

· Жаңадан үзілген гүлдер.

· Мейманханадағы кез келген сауық бағдарламасына шақыру.

«Жұлдыздар клубы» бағдарламасының алтын қатысушысы (отельде жалпы алғанда 50 күннен аса тұрған кезде):

· Reception-ның арнайы бағанында кіруді тіркеу және шығуды рәсімдеу.

· Тегін монша халаты.

· Бір бөтелке минералды су.

· Жаңадан үзілген гүлдер.

· Мейманханадағы кез келген сауық бағдарламасына шақыру.

· Кірген кезде мейманхананың бас менеджерінен сәлем беру карточкасы.

· Жаңа газеттер.

«Жұлдыздар клубы» бағдарламасының платина қатысушысы (отельде жалпы алғанда 100 күннен аса тұрған кезде):

· Reception-ның арнайы бағанында кіруді тіркеу және шығуды рәсімдеу.

· Тегін монша халаты.

· Бір бөтелке минералды су.

· Жаңадан үзілген гүлдер.

· Мейманханадағы кез келген сауық бағдарламасына шақыру.

· Кірген кезде мейманхананың бас менеджерінен сәлем беру карточкасы.

· Жаңа газеттер.

· Жылдың кез келген мезгілінде жоғарырақ санатты номерді стандартты номердің бағасы бойынша беру (Upgrading).

· Мейманхананың фирмалық футболкасы.

· Орыстың халық сыйлығы (Ресей жағдайларында).

«Жұлдыздар клубы» бағдарламасының бриллиант қатысушысы (отельде жалпы алғанда 250 күннен аса тұрған кезде):

· Reception-ның арнайы бағанында кіруді тіркеу және шығуды рәсімдеу.

· Тегін монша халаты.

· Бір бөтелке минералды су.

· Жаңадан үзілген гүлдер.

· Мейманханадағы кез келген сауық бағдарламасына шақыру.

· Кірген кезде мейманхананың бас менеджерінен сәлем беру карточкасы.

· Жаңа газеттер.

· Жылдың кез келген мезгілінде жоғарырақ санатты номерді стандартты номердің бағасы бойынша беру (Upgrading).

· Мейманхананың фирмалық футболкасы.

· Орыстың халық сыйлығы (Ресей жағдайларында).

· Мейманхананың мейрамханасында тегін түскі ас немесе кешкі ас.

· Мейманханада тұрудың бір тегін күні.

VIP A(мейманханада базалық тариф бойынша кемінде 3 рет тұрған кезде):

· Тұруға базалық тарифтен 10% жеңілдік.

· Мейманхананың мейрамханаларының және барларының қызметтеріне, сондай-ақ сұлулық пен денсаулық орталығында 10% жеңілдік.

· Мейманхана басқарушысынан сәлем беру хаты.

· Гүл салынған құмыра.

VIP В (мейманханада базалық тариф бойынша кемінде 50 бастап 250 түнге дейін тұрған кезде):

· Тұруға базалық тарифтен 15% жеңілдік.

· Мейманхананың мейрамханаларының және барларының қызметтеріне, сондай-ақ сұлулық пен денсаулық орталығында 15% жеңілдік.

· Мейманхана басқарушысынан сәлем беру хаты.

· Гүл салынған құмыра.

· Жемістер салынған поднос.

· Бір бөтелке минералды су.

VIP С (мейманханада базалық тариф бойынша 250 түннен бастап тұрған кезде):

· Тұруға базалық тарифтен 20%жеңілдік.

· Мейманхананың мейрамханаларының және барларының қызметтеріне, сондай-ақ сұлулық пен денсаулық орталығында 20%жеңілдік.

· Мейманхана басқарушысынан сәлем беру хаты.

· Раушангүлмен гүл композициясы.

· Халат.

· Кәмпиттер жинағы.

Ерекше маңызды персоналарға көңіл бөлу белгілері ретінде басқа қызметтер мен сыйлықтар да қарастырылуы мүмкін.

VIP-клиенттерді қабылдауға мұқият және алдын ала дайындалу керек. Броньдау бөлімі, броньдаудың күшінде қалғандығына және броньдаудың ешқандай майда-шүйдесінің өзгермегендігіне көз жеткізу үшін, күтілетін келуге бір күн қалғанда VIP-мейманның келуінің расталуын тексеруге тиіс. Бұл үшін келесі ақпаратты тағы бір рет тексеріп шығу керек:

· VIP-клиенттің толық аты;

· алып отырған лауазымы/мәртебесі;

· компанияның атауы/байланыс ақпараты;

· персоналар саны;

· номердің санаты/типі;

· отельде болу мерзімі;

· тұру тарифі;

· ұшып келу/ұшып кету датасы, уақыты, рейстің номері және т.с.;

· әуежайдан трансферге тапсырыс берілген бе;

· VIP-клиенттің ерекше ниеттері/артық көрулері.

VIP-клиенттердің сұрауларының броньдау бойынша мәліметтермен дәл сәйкес келетіндігіне көз жеткізіп, броньдау бөлімі VIP-клиенттердің кіру парағын дайындайды.

Күтілетін VIP-меймандардың тізімін бас директор немесе оның орынбасары қарап шығып, егер қажет болса, нақты нұсқаулар береді. Көбіне көп мұның тұрақты клиенттер үшін тұру жағдайларын жақсарту (Upgrading) немесе кредит беру мүмкіндіктеріне қатысы бар.

Меймандармен байланыс жасау жөніндегі менеджер (Guest Relations Manager) немесе қабылдау және орналастыру қызметінің басшысы (Front Office Manager) VIP-меймандардың келу парағын үнемі тексеріп отырады және кіруге бір күн қалғанда осы меймандарға қызмет көрсетуге қатысатын барлық қызметтерге тиісті жазбаша нұсқаулар береді.

VIP-клиенттерге қызмет көрсетуге тапсырыс бланкі (VIP treatment order/Amenity order) толтырылған кезде көшіріп алу әсерін қамтамасыз ететін, түсі бойынша әртүрлі арнайы қағаздың бірнеше данасынан тұратын құжат болып табылады. Немесе, басқаша айтқанда – өздігінен көшірілетін көп қабатты бланк.

Бұл құжатта келесі ақпарат болады:

· мейманның аты;

· бөлменің номері;

· кіру датасы;

· шығу датасы;

· VIP-мәртебесі;

· ерекше тілектері;

· күні, уақыты.

Құжатқа меймандармен байланыс жөніндегі менеджер немесе қабылдау және орналастыру қызметінің басшысы қол қойып, VIP-клиенттерге қызмет көрсету үшін жауапты барлық бөлімшелердің басшыларына қол қоюға беріледі. VIP-клиенттерге қызмет көрсетуге қатыстырылатын қызметтердің ақпарат тақталарында қандай да болсын маңызды мейманға қызмет көрсетудің өзгешеліктері туралы толық ақпарат болуға тиіс. Мейманханаға VIP-мейманперсоналардың келуі туралы толық ақпараттың ең алдымен қабылдау және орналастыру қызметі, ӘШҚ, қабаттарда тамақтандыруға қызмет көрсету бөлімі, қауіпсіздік қызметі, тауарлардың қозғалысын бақылау бөлімі және т.с. секілді бөлімшелерге қатысы бар.

Келетін VIP-меймандардың тізімі күнібұрын ӘШҚ-не берілуге тиіс. VIP-меймандар келердің алдында номерлер тиісінше дайындалуға тиіс. VIP-клиенттің кіруіне номерді тағайындауды ӘШҚ басшысының тікелей қатысуымен, қабылдау және орналастыру қызметінің басшысы жүргізеді. Қажетті санаттағы номерлердің ең жақсысы осындай номер болуға тиіс. Біріншіден, ол мінсіз жиналып, тазартылуға және таза болуға тиіс. Мұндай жұмыс үшін өте жауапты тазалықшықажет. Жинап жүрген кезде номердегі барлық жабдықтың мінсіз жұмыс істеп тұрғандығына тағы бір рет көз жеткізу керек. Екіншіден, ӘШҚ бөлмені мейманға ерекше ықылас заттарымен жабдықтауы керек. Жоғарыда айтылғанға қосымша, мұндай заттар болып мыналар табылуы мүмкін:

· мейман келген ел немесе қала туралы жақсылап безендірілген кітаптар (альбомдар);

· ұлттық сыйлықтар;

· сыйлыққа берілетін парфюмерия-косметика жинақтары;

· отельден орамалдардың сыйлық жинақтары;

· отель символикасы бар шарфтар, қолғаптар;

· мейманхана символикасы бар косметика салатын сөмкешелер, әмияндар, сөмкелер, папкалар;

· кеңсе керек-жарақтары (мейманхана логотипі бар шарик қаламдар жинақтары, корреспонденцияны ашуға арналған сыйлық пышақтар);

· ұялы телефондарға арналған тіреуіштер;

· отель логотипі бар калькуляторлар;

· классикалық немесе ұлттық әуен жазылған музыкалық дискілер;

· фирмалық бейсболкалар және т.с.

Номерлерде тамақтандыруға қызмет көрсету бөлімі (Roon Service) өз тарапынан VIP-меймандардың келуіне бөлмені отельде белгіленген стандарттар бойынша және меймандардың VIP-мәртебесіне сәйкес дайындайды. Маңызды меймандар келердің алдында номерлерге отельдің есебінен ас-шәй, тағамдар әкелінеді. Олар: шоколадтағы жемістер, минералды су, жаңа ғана сығылған шырын құйылған графин, француз шарабының бөтелкесі, шоколад, шарап және ірімшік қойылған поднос, канапе немесе прифурлар және өзгесі болуы мүмкін. Номерді тіскебасар тағамдармен және сусындармен жабдықтай отырып, жоғары мәртебелі меймандардың әр алуан ұлттық артық көрулерін және ерекшеліктерін ескеріп отыру керек. мысалға, буддашыны немесе мұсылманды номерде шампан бөтелкесімен қарсы алған өрескел қателік болады.

Отельдің флористері номерді гүлдермен безендіру туралы қам жейді. Бұл өте стильді болатындай, жалғыз раушангүл немесе әртүрлі өлшемдегі гүлдерден композиция болуы мүмкін.

Отельдің жоғарғы басшылығы отельде жайлы және табысты болуды тілеген, VIP-мейманға сәлемдесу карточкасын немесе, басқаша айтқанда, сәлемдесу хатын толтырады. Бұл жолдау VIP-клиенттердің көпшілігіне қатысы бар, мәтіні типографиялық тәсілмен және үлкен таралыммен басылған стандартты болуы мүмкін. Төменде ең қарапайымынан бастап, меймандарға осындай жолдаулардың мәтіндерінің үлгілері келтіріліп отыр.

Алайда, егер мұндай жолдауды бас директор немесе оның орынбасарлары жеке бастарымен жазса, бұл жақсырақ құрмет деп есептеледі. Дербес ашық хатта мейманхана директоры немесе оның орынбасарлары оны атымен атай отырып, мейманға жылы сөздерін өз қолдарымен жазады. Бұл адамдардың бір бірімен қандай қатынаста екендігіне және оларды ненің байланыстыратындығына байланысты, мұндай жолдаулардың мәтіндері әр алуан болады. Бұл жерде басшының уақыт тауып және жолдау жазып, осылайша мейманға көңіл бөлгендігі маңызды. Сәлем беру хатында мейманның атын қате жазуға үзілді-кесілді жол беруге болмайды. Бұл жұмыста тіптен жолдаудың сияның қандай түсімен жазылғандығы да маңызды. Мысалға, қызыл түс өлім туралы хабар жазу үшін пайдаланылатындықтан, Азия елдерінің өкілдері үшін ақпаратты қызыл түспен жазуға болмайтындығын білу керек.Меймандарға сәлем беру жолдауларында отельдің логотипі болуға тиіс.

Мұндай жолдауларды мейманды отельге қайта келуге шақырумен аяқтаған абзал.

Қызметтерде мәтіндік материалдармен және құралдармен қатар, әрбір қызмет этаолонды фотосуреттерге сәйкес VIP-клиенттерді қабылдап алу үшін қажетті заттарды, бұйымдарды орналастырады.

VIP-мейманның орналасуы үшін дайындалған номердегі теледидар экранында шамамен мынандай мазмұндағы сәлем беру заставкасының болғаны дұрыс:

Құрметті Грин мырза.

Бізүшін Сізге «......................» отелінде сәлем беру ғанибет.

Dear Mr. Green.

It is pleasure to welcome you to Hotel “…..............................”.

VIP-меймандарға арналған барлық номерлерді басшылық жоғары мәртебелі меймандар келгенге дейін тексеріп шығуға тиіс.

Осында болған бүкіл мерзімнің бойына VIP-меймандардың бөлмелерін қызмет көрсетудің жоғары стандарттарын ұстап отыру мақсатында басшылық тексеріп отырады.

Қандай да болсын себеппен VIP-мейманның бөлмесін ауыстырылатын жағдайда, бұл туралы барлық бөлімдерге шұғыл хабар беру өте маңызды.

VIP-мейманға қызмет көрсету әуежайдың өзінде-ақ басталады. VIP-мейманды қарсы алуға өкілетті санаттың машинасы жіберіледі. VIP-клиентті отель басшылығынан жіберілген өкіл қарсы алуға міндетті. Әуежайда қарсы алуға арналған маңдайшада мейманның атының жазылуының дұрыстығын тексеру керек. Қарсы алған кезде VIP-клиентке гүл шоғын ұсынған дұрыс болады. Бұл кезде бүкіл қол жүгінің болуын тексеріп, одан әрі мейманды машинаға бастап апарады. Егер VIP-мейманның отельге келетін дәл уақыты белгісіз болса, мейман отельге келіп жетісімен қабылдау және орналастыру қызметі бұл осыларға қатысты болуға тиіс барлық бөлімдерге хабарлайды.

Меймандарға, әсіресе VIP-клиенттерге аттарын атап сөз айтқан өте маңызды. Бұл келесі себептермен маңызды болып отыр:

1. Бұл мейманға өзін маңызды және танылған болып сезінуге мүмкіндік береді.

2. Бұл мейманды ілесіп жүргендердің көз алдында асқақтатады, қоршаған адамдарға әсер қалдыруға көмектеседі.

Әрі шындығында да, егер мәртебелі отельдің персоналы мейманды үнемі танысындай қарсы алып отырса, онда оған ілесіп жүрген адамдар, іскерлік серіктестері немесе бикеш болсын, бұл адамның шындығында да өте ықпалды, құрметті, беделді, сенімді адам болып табылатындығына және онымен ынтымақтастық жасап, қатынастар жасауға тұратындығына көздерін жеткізіп отырады. Отель меймандарының бизнестегі табысы және тіптен жеке бас өміріндегі жетістіктері кейде осыған тікелей байланысты болады.

3. Бұл мейманға отельдің қызметкерлерінің өздерін оның атын есте сақтауға жаттықтыратындығын көрсетеді.

4. Мейманның аты жай ғана отельдегі номердің еркін номерімен емес, адамның жеке басымен байланысты.

Осындай маңызды ереже туралы ұмытып кетіп, мейманхананың қызметкері мейманға: «Сіз 215-ші номерсіз бе?», «Сіздің тобыңызда номері 402-ші әйел бар ма?» деп сөз айтқанда, әлде: «511-ші номерге – Сіздің басшыңызға мына конвертті беріңізші» деген өтінішін айтқанда, бұл өте әдепсіз көрінеді. Отель қызметкерлері тіптен өзара кәсіби диалог құрғанда да меймандарды номерлер бойынша емес, олардың аттары бойынша атауға тырысуға тиіс.

Тұрақты клиенттердің аттарын, әрі тек қабылдау және орналастыру қызметінің қызметкерлеріне ғана емес, клиенттерге қызмет көрсетумен тікелей айналысатын бүкіл персоналға есте ұстаған дұрыс болады. Егер өзіне отельдің дәлізінде кездесіп қалған тазалықшыөзін атымен атап сәлемдессе, мейманға бұл жақсы әсер қалдырады.

Әзірге тек американдық мейманханаларда қолданылатын, ең жаңа, сымсыз радио деп аталатын техниканың көмегімен қабылдау және орналастыру бөліміне меймандардың отельге келіп жетуі туралы хабарлап отыру мүмкіндігі бар. Кезекті мейманның қол жүгін түсіре отырып, швейцар біркелкі формасының жағасында бүркемеленген құйттай микрофонға оның келгендігі туралы хабарлайды. Бұл VIP-меймандарды қарсы алу үшін әсіресе маңызды. Швейцар VIP-меймандарге сәлем беріп, оларды аттарымен атауға міндетті. Мұны Reception қызметкерлері естіп отырады. Осылайша, олар VIP-мейманды атымен қарсы алуға дайын болып отырады. Меймандарға өз аттарын естіген өте ұнайды. Ал егер Reception бағанысының артындағы жымиған қыз немесе жас жігіт: «Біз Сізді отельімізде көргенімізге өте қуаныштымыз!», «Сіз біз үшін ең жақсы меймансыз!» деп қосып жіберсе, бұл мейманға одан бетер жайлы тиеді. Қызметкерлерінің ілтипаттығы, мейірімділігі отельге ештеме де тұрмайды, бірақ мұны меймандар өте қатты бағалайды.

Отельге кірген кезінде VIP-клиентке тіркелу рәсімін жеңілдету керек. VIP-клиентке тіркеу үлгілерін Reception бағанының жанында немесе отельдің холлында және тіптен тыныш жағдайда номерде толтыру құқығы беріледі. Клиенттерге тіркелумен байланысты ресми құжаттарды толтыруға көмектесу керек. Келгеннен кейін VIP-клиентке номеріне дейін ілесіп жеткізуді ұйымдастыру қажет. Әдетте бұл қабылдау және орналастыру қызметінің басшысының немесе ӘШҚ басшысының міндеті болып табылады. Ерекше жағдайларда аса маңызды персона келіп кірген кезде, отельдің бас менеджері басшы болып, VIP-мейманды номерге эскортпен апару ұйымдастырылады. Номерде мейманға номерде қандай жайлылықтардың және жабдықтың бар екендігі және оларды қалай пайдалану керектігі жайында анық, дәл және жылдам хабарлап шығу керек. Одан кейін ілесіп жүрген қызметкер мейманға отельде жайлы тұруын тілеп, өзінің атын, қызметін, байланыс телефонын тағы бір рет айтып шығып, қол жүгін ашып, орналастыруға көмегін беретін адам жіберуді ұсынуға міндетті.

VIP-персоналар жоғарғы санатты отельдерде тұрып жатқан кезде олардың ерекше тілектері және артық көрулері туралы ешқашан ұмытылмайды. Клиенттердің тілектері кей кездері аса өзгеше, ал кейде таң қаларлық та болады. Отельде барлық тұрақты немесе ерекше маңызды меймандардың (Long Term Prefrences) артық көрулерін тіркеу жүргізіліп отырады. Егер бұл ақылға сыйымдының шегінен асып кетпесе және басқа меймандарға ыңғайсызтықтар келтірмесе, әрі отель қызметкерлеріне зянын тигізбесе, отельклиенттің қажетсінулерін мейлінше қанағаттандыруға тырысады.

Мысалға, бір клиенттің күн сайын оның жастығында жасыл алма жатқандығын қалайды – бұл өтініште мейманхана үшін ешқандай проблема жоқ. Екінші бір мейман өз номеріне бұл үшін ақы төлеуге дайын болып отырған, елу жыл сақталған коньяктың жеткізілуін қалайды. Мұндай коньякты табу мейманхана үшін қиын, бірақ мүмкін болады. Үшінші мейман болса оның номерінде, жүгіру жолын қоса отырып, бірнеше тренажер орнатылғандығын қалайды. Төртіншісі өзінің ұйықтайтын бөлмесінде 11 ақ лилия гүлін көруді артық санайды. Бесіншісі адамды түелдей көрсететін айна қойылуын сұрайды және т.с. Осының барлығы мейманхана персоналы үшін белгілі бір күш жұмсауды қажет етеді, бірақ бұларды орындауға әбден болады.

Меймандардың өтініштері басқа адамдар мен ұйымдардың мүдделеоімен қарама-қайшылыққа келгенде, іс басқа. Айталық, мейман өзі тұратын қабаттың толығымен көгілдір түске боялуын талап етеді. Немесе, өзге мысал: мейманханаға келуді ойластырып отырған мейман, мейманхананың мұнымен байланысты барлық шығындарына екі есе ақы төлеуге үміттендіріп, ол келген сәтте көшедегі қозғалысты тоқтатып тастауды, қызыл кілем жолын төсеуді және барлық тұрып жатқан адамдарды мейманханадан шығарып жіберуді сұрайды.

Бұл шектен тыс кеткен жағдайлар екендігі түсінікті. Мейманхана мұндай меймандардың жетегінде кетпейді және мұндай өтініштерді орындамайтын болады, өйткені өзінің беделін және өзінің бет-бейнесін қастерлейді. Мейманханадағылар сол сәттегі пайданы ғана емес, өз кәсіпорынының болашағы туралы да ойлануға тиіс.

Отельдің менеджері өзінің қоныстанушыларының, әсіресе VIP-меймандардың кез келген жеке бас ерекшеліктерін байқап қалуға тырысуға тиіс. Американдықтардың көпшілік бөлігінде спортпен әуестенетіндігі, өзінің сырт келбетіне көп көңіл бөлетіндігі, спортпен шұғылдануларын өздерінің басқа елдерге саяхаттары мен сапарлары кезінде де тоқтатпайтындығы жақсы мәлім. Осыны біле отырып, мұндай меймандарды олар үшін отельдегі денсаулық және сұлулық орталығына тегін бару мүмкіндігімен қуантып тастауға болады. Мейманның өзінің мүсініне көп назар аударатындығын және салауатты өмір салтын ұстанатындығын анықтап алып, оның номерін йога және шейпинг көрсетілетін кассеталармен, гимнастикамен айналысуға арналған арнайы кілемшемен, минералды сумен немесе шырынмен жабдықтауға болады. Және, әрине, американдықтармен әңгімелескенде олардың қаншалықты тамаша көрінетіндіктерін баса көрсетуді ұмытпау керек.

VIP-клиенттермен жұмыста сонымен қатар меймандардың кәсібі туралы мәліметтер өте маңызды. Жоғары санатты мейманханаларда мейманды кәсіби мерекесімен құттықтау мүмкіндігін босқа жібермейді. Клиенттердің кәсібі туралы ақпарат сонымен бірге мүмкіндік болғанда меймандарды мамандандырылған әдебиетпен қамтамасыз ету, сонымен қатар тақырыптық көрмеге немесе тиісті өзге шараға тегін билеттер ұсыну үшін де қажет.

Егер клиенттің туған күні Сіздің отельіңізде тұрған кезеңмен тұспа-тұс келсе, оған мейлінше көп көңіл бөлу керек. Әдетте, бұл оқиғаға құттықтаулар және сыйлықтар (гүл, шырағдандары бар торт, шоколад кәмпиттерінің жинағы, сыйлықтар және т.с.) табыстау ілесіп отырады. Бұл күні ол туралы туған үйіндегідей қам жейтіндігін әсіресе ұғындыру қажет.

Отель менеджерінің дүниетанымы кең болуға, әрқашан жан-жақты дамыған болуға тиіс. Шаруашылықтың барлық салалары бойынша егжей-тегжейлі білімдерге ие болу мүмкін емес екендігі түсінікті. Бірақ, мейманханада мұның жұмысы, айталық, мұнай бизнесімен байланысты VIP-клиенттің ықтимал тұруы жайлы келіссөздерге дайындала оытрып, мейманхананың менеджері бұл саладағы кейбір білімдермен қарулануға тиіс. Бұл білімдер әңгімені қолдап отыруға да, клиентті өзіне баурап алуға да, ал одан кейін оны дәл осы мейманханада тоқтатуына көндіруге де көп көмегін береді.

Әйел VIP-меймандар ерекше көңіл бөлуге лайық. Тамаша жыныстың өкілдері соңғы жылдары әлемді, оның ішінде іскерлік мақсаттармен өте көп шарлай бастады. Оларға жиі-жиі үйлерінде болмауға, отбасынан, балаларынан жырақта жүруге тура келіп отыр. Отбасымен мәжбүрлі ажырап кетуді ажарландыру үшін, кейбір ең жетілген мейманханаларда тұрақты мейманның – іскер әйелдің кезекті бір келуіне номерде оның отбасының фотосуретін қойып қоюға тырысады. Бұған қосымша, бұларды іскер ана өзімен бірге балаларына алып кететін ойыншықтар немесе тәтті заттар қойылуы мүмкін. Кейбір мейманханалар бұл тұрғыдан одан да алысқа кетіп, бизнес-ледиге балаларымен күн сайын он бес минуттық тегін телефонмен әңгімелесу мүмкіндігін береді.

Көптеген мейманханаларда әйелдерге арналған арнайы номерлер бар. Олар үстелдің үстіңгі жағындағы қосымша айнамен, ванна бөлмесіндегі макияж айнасымен жабдықталған, сондай-ақ мұндай номерлерде косметикалық және парфюмериялық керек-жарақтардың кеңірек ассортименті қарастырылған. Мұндай номерлердің түспен безендірілуі қызғылт, сары, ақ реңдерде шешілген. Әйелдерге арналған номерде сәнді жылтырақ журналдарды жайып қояды, гүлдер әрқашан хош иістерін аңқытып тұрады.

VIP-клиенттердің мейманханада өздерінің ата-аналарымен болатын балаларын, «кішкентай қонақтарды» назарсыз қалдыруға болмайды. Оларға да, ересектерге секілді, инабаттылықпені ізетпен қарау керек, алайда олармен қатынас азырақ ресми болуы керек. Бірегей кішкентай ойыншықтар балалардың ермек етуі және кішкентайлар мен ересектерге көңіл күй жасау үшін қызметт ететін болады. Балалар жинағына (kid’s set): бояйтын кітапшалар, Puzzle, қарындаштар, ашық хаттар, жууға арналған губкалар, арнайы балалар шампуні мен сабын және т.с. кіруі мүмкін.

Балалар үшін: тәттіліктер, мейрамханада арнайы балалар мәзірі, сауық бағдарламалары, арнайы қауіпсіз балалар үстелшелері, бала бағушының қызметтері және т.с. ұсынылғандығы өте маңызды.

Мейманханадағы барлық ауысымдардың қызметкерлері VIP-меймандардың барлық келулері, тұру мерзімін ұзартулары және, әрине, кетулері туралы дәл ақпаратқа ие болуы керек.

Кезекші менеджердің міндеті мейманханадан шығып бара жатқан мейманның шоттарын тексеру болып табылады.Кеткен кезде тұрғаны үшін ақы төлеудің барлық жақтарын және VIP-клиентке көрсетілген мейманхана қызметтерін тексеріп шығу, барлық жеңілдіктерді ескеру керек. Көлікте дер кезінде тапсырыс беріп қою үшін, мейманның кететін уақытын алдын ала дәлдеп тексеріп алу керек. Клиенттің қол жүгінің төменге қарай алдын ала түсірілуін бақылап отыру қажет, яғни, кетер алдында мейманның толқып, мазасызданбауы үшін қолдан келгеннің барлығын жасау керек. Кетер кезінде VIP-мейманға отельде болғаны үшін алғыс білдіріп, осында қайта қайтып келуін тілеу керек.